News Detail

د لوړو زده کړو وزارت د څېړنې، تألیف او ژباړې ریاست له لوري د تابش پوهنتون مشرتابه وستایل شوو! د لوړو زده کړو وزارت د څېړنې، تألیف او ژباړې ریاست له لوري د تابش پوهنتون رئیس پوهنیار دوکتور عبدالحمید سیرت، د څېړنې او علمي مجلو مرستیال استاد بهیر الله رحماني او د اقتصاد پوهنځي رئیس او څېړنو او علمي مجلو پخوانی مرستیال پوهنیار وسیق الله همدرد د دوی د اغېزمنو علمي خدمتونو، بریالۍ رهبرۍ، څېړنیزو نوښتونو او اکاډمیکو لاسته راوړنو له امله د هغه وياړلي او ارزښتنمن ګام له مخې، چې د تابش پوهنتون د علمي او څېړنیز بهیر د چټک پرمختګ څرګندونه کوي د ستاینلیکونو په ورکړې سره وستایل شول. د یاد ریاست له لوري دغه ستاینه د تابش پوهنتون لپاره د یو ستر ویاړ سربېره؛ د علم، څېړنې، نوښت او معیاري اکاډمیک پرمختګ پر لور د تابش د ژمنتیا روښانه ثبوت دی. تابش پوهنتون په وروستیو کې د علمي ـ څېړنیزو فعالیتونو، معیاري ژورنالونو ایجاد، د تابش پوهنتون په داخلي او نړیوال ژونالونو کې دوامداره، علمي او څېړنیزو مقالو نشرولو، دوامداره څېړنیزو - علمي اړیکو او د څېړنې د فرهنګ د پیاوړتیا په برخه کې داسې اغېزمن ګامونه پورته کړي، چې نن یې د هېواد په علمي ډګر کې ځانګړی اعتبار او مثبت رقابتي موقعیت خپل کړی دی. د «تابش ملي علمي ـ څېړنیز ژورنال» ایجاد، د دوو ګڼو معیاري چاپ، اړونده ادارتو سره شریکول او دوامداره علمي او څېړنیز خدمات د «تابش د ټولنیزو علومو نړیوال ژورنال» رامنځته کول، د معیاري ویب سایټ آنلاین کول، د نړۍ په معتبرو ډېټابېسونو کې د تابش پوهنتون نړیوال ژونال ثبت (انډیکس) کول او د لومړۍ ګڼې نشر، څېړنیزو پروژو او پالیسي سازه څېړنو د عناوینو ترلاسه کول او ترسره کول د تابش پوهنتون د علمي لیدلوري، اکاډمیک تعهد او څېړنیز نوښت ښکاره بېلګې دي. د تابش پوهنتون رهبري د لوړو زده کړو وزارت د څېړنې، تألیف او ژباړې محترم رئیس ښاغلي دوکتور حمید الله مزمل ته د هغوی د علم ‌پالنې، همکارۍ، لارښوونو، شفقت او دوامدار ملاتړ له امله د مننې او درناوي مراتب وړاندې کوي او د هېواد د علمي او څېړنیز نظام د پیاوړتیا لپاره د خپلو ارزښتناکو هڅو د دوامداره ساتلو ژمنتیا څرګندوي. تابش؛ پوهه، نوښت او پرمختګ نشراتو آمريت