News Detail

د حقوق او سیاسی علومو پوهنځي محصلانو ته (د اغېزمنې مطالعې، ذهني تمرکز او زده‌کړیزو مهارتونو پرمختیا) تر سرلیک لاندې علمي سیمینار وړاندې شو. د حقوق او سیاسی علومو پوهنځي رئیس پوهنیار عبدالعزیز همت د سیمینار د ښه راغلاست او پیل ويناء پر مهال د یادې موضوع اهمیت بیان کړ او ذکر شوی سیمینار یې د محصلانو لپاره ډير اړین و باله. ورپسې د استاد فواد ارین له لوري سیمینار وړاندې شو. ښاغلي ارین "د چټک لوستلو، تمرکز ساتلو او د متن د ښه درک کولو لارې چارې، نوټ اخیستنې مشهورې طریقې، Cornell، Mind Mapping او Outline میتودونه. ډیجیټل وسایل، د اپلیکیشنونو کارونه لکه OneNote، Notion او Evernote، د حافظې پیاوړتیا، د یادښتونو بیاکتنه، د Spaced Repetition تخنیک او فلش کارډونه، اکاډمیکې لیکنې، څنګه نوټونه د مقالې، راپور یا څېړنې لپاره تنظیم شي، ګډه زده کړه، د ډلې په کچه د نوټونو شریکول او د زده کړې تبادله، ذهني تمرکز، د مطالعې پر مهال د حواسو کنټرول او د ګډوډۍ مخنیوی، عملي تمرینونه، ګډونوالو ته د نوټ اخیستنې تمرین ورکول او د پایلو پرتله کول" موضوعات په مفصل ډول تشریح کړل او محصلانو باندې یې له یادو لارو چارو یو شمېر عملاً ترسره کړې. تابش؛ پوهه، نوښت او پرمختګ نشراتو آمریت